Marry
Tulala ako habang nakatingin sa salamin. Hanggang ngayon ay bumagabag pa rin sa isipan ko ang katagang sinabi ni Brent. Ang simpleng ‘No’ ay nagpadurog na sa puso ko. Hindi ko akalain na wala na siyang nararamdaman sa akin, o baka naman ay wala talaga siyang nararamdaman para sa akin. Pinalis ko ang sarili kong luha habang nakatingin pa rin sa salamin.
Nagmahal ako muli, nagtiwala ako muli at sumaya ako muli, ngunit temporaryo lang pala ‘yon, hindi nagtagal. Hindi ko maiwasang isipin na katulad lang din siya ni Gregory. Pare-pareho lang din naman pala sila. Naisip ko na baka hindi ko na gagawin ang plano ko at magpapakasal na lang kay Gregory. Pero naisip ko na hindi para kay Brent, o kahit sinong lalaki ang dahilan ng pagtakas ko. Oo, una, iniisip ko na siya ang magiging dahilan n
