“GOODBYE, KUYA Liam,” SABI ko sabay halik sa labi niya.
Pag-alis ni Kuya, muli akong umupo sa upuan at hinarap si Kuya Tyrone. Aminado akong hindi naiilang sa kanya dahil wala naman akong nararamdaman para sa kanya. Hanggang sa huling hininga ko, si Kuya Liam lang ang lalaking iibigin ko. Hindi ko na nakikita ang sarili ko sa ibang lalaki.
Tinitigan ko si Kuya Tyrone at hindi ko mapigilan na puriin siya. Gwapo talaga siya. Lamang lang siguro si Kuya Liam ng sampong porsiyento. Hindi naman magiging school heartthrob ito kung preference ko lang ang pagbabasehan ko. Marami kayang baliw na baliw sa kanya.
Nagkasalubong ang mga kilay ni Kuya Tyrone. “May dumi ba ako sa mukha?”
“Natutuwa lang ako sa looks mo, Kuya. Ang gwapo mo. Alam mo ba iyon?” sabi ko.
Napangiti siya sabay kamot sa gilid
