(Third Person POV)
Isang taon na ang lumipas buhat nang mahuli si Arthur at maparusahan ng mga tauhan ni Debbie bago siya iniwan sa labas ng isang police station na walang malay at puno ng bugbog ang katawan.
Isang taon na rin ang lumipas mula nang makulong siya sa City Jail bilang kaparusahan naman ng batas sa mga nagawa niyang kasalanan kay Clarisse lalo na kay Neena.
Araw-araw, sa loob ng isang taon sa lugar na iyon na naging impiyerno na para sa kanya ay palagi siyang inaalila ni Thanos. Walang araw na hindi siya nakaranas ng pangmamaliit at pagtapak nito sa dignidad niya sa kahit anong paraan.
Kahit wala siyang ginagawa at tahimik lang siya sa loob ng selda ay bigla na lang siya nitong pinagtitripan. Minumura, sinasaktan, sinisipa... Parang bang ang turing nito sa kanya ay walang
