Mira's POV
Sinalubong kami ng aming mga pamilya ni Kyle sa airport at dumiretso sa hotel. Naghanda pala ng kaunting salo-salo si Daddy Kean at Mommy Catherine para sa pagdating namin. Sa loob ng Penthouse ni Kyle kami nagdiwang. Dito na rin kasi kami tutuloy habang hindi pa raw tapos ang bahay namin na minamadali na rin ni Kyle at ng daddy niya.
Naroon din syempre ang best friend kong si Calli kaya naibigay ko na rin ang pasalubong ko sa kanya. Tuwang-tuwa din ang mga Daddy namin sa dala namin ni Kyle sa kanila pati na rin sina Mommy. Mga kapatid ko, lalo na ang kambal dahil sa latest basketball shoes na natanggap. Wala pa kasi ito sa Pilipinas.
"Paano mga anak, uuwi na kami. Sigurado ba kayo na hindi ninyo kailangan ng katulong?" Paalala pang tanong muli ni Mommy na sinang-ayunan ni
