“Ma’am? May bisita po, hinahanap kayo.”
“Pakisabi saglit lang!” sigaw ko mula sa loob ng kwarto ko. Mabilis kong tinapos ang paglalagay ng lipstick sa labi bago tiningnan ang sarili sa salamin. Literal na nagbago ang mukha ko, kahit na suot ko pa rin ang salamin sa mata ko ay hindi ko pa rin makikilala kung sino ang tinitingnan ko sa salamin.
I cleared my throat. “Hi Lucas! Anong masasabi mo sa itsura ko ngayon? Maganda ba? Nagpa-ganda talaga ako ngayon para sa’yo. Hihi!” hindi ko mapigilang kiligin habang nagpa-practice ng sasabihin.
Makalipas ang ilang segundo ay nag-decide na akong bumaba dahil baka naiinip na ang bebe ko. Kinuha ko ang shoulder bag na nakahanda sa kama at mabilis na lumabas ng kwarto. Nagulat pa ako nang bumungad sa'kin ang mukha ni Kuya pagbukas ko ng pinto. Pati s
