Malalim na buntong-hininga ang pinakawalan ni Aymee matapos mabasa ang chat sa kaniya ni Jomar. Hindi mabilang na mensahe na rin ang natanggap niya mula sa binata.
Ilang beses na rin itong nagtanong kung okay lang siya, kung may sakit, o di kaya'y may problema. Paano ay ilang araw na rin niya itong iniiwasan. Talagang ginagawa niya ang lahat upang maiwasan ito. At ngayon, nagi-guilty na siya sa kaniyang ginagawa.
Magmula kasi nang mangyari ang halik sa pagitan nila ni Brayden ilang araw na rin ang nakararaan ay napagtanto niyang ito pa rin ang gusto niya. Hindi na nga niya maalala kung paano lumipas ang araw na iyon. Basta't ang alam niya ay nakapagkwentuhan sila hanggang sa magtanghalian.
Kaya naman hindi niya malaman ang gagawin. Ilang araw niyang pinag-isipan ang gagawin. Ilang araw
