“Libre ka ba bukas?” tanong ni Lorenzo kay Zoraida habang nagmamaneho upang ihatid ito patungo sa bahay ng mga Meduya. Gusto sana nitong lumabas muna silang dalawa at kumain pero hindi pumayag si Zoraida. Bigla itong nawala sa mood dahil sa mga sinabi sa kaniya ni Ikang.
Hindi sumagot si Zoraida sa tanong nito kaya nilingon niya ang dalaga sa tabi upang tingnan kung nakatulog ba ito pero hindi. Nakamulat ang mga mata nito at nakatulala sa labas. Halatang malalim ang iniisip.
“Zoraida?” Kuha niya sa atensiyon nito.
“Ba-bakit?”
“May problema ba?” Tanong ni Lorenzo sa kaniya. Ang totoo talaga niyan ay naisip niyang tama ang kaibigan niya. Hindi talaga sila bagay ni Lorenzo. Kahit pagbali-baliktarin ang mundo.
Mayaman ito. Kilala sa buong lungsod at may pinanghahawakang pan
