"Ara, are you alright?" tanong ng katrabaho niyang stewardess.
"Oo, ayos lang ako. Medyo nahihilo nga lang ako." Tugon niya habang nakaupo siya at nakahawak sa kaniyang noo.
"If you are not in good condition, go home first and just rest. Alam niyo naman kung gaano kahalaga ang kalusugan natin sa trabahong ito. Mas maigi pang huwag ka na munang pumasok ng isang linggo para mas makapagpahinga ka ng maayos." Ang isinaad naman ng kanilang Purser, kung kaya't binitbit na lamang niya ang maleta at naglakad palabas ng airport.
Pagkarating sa tapat ng kaniyang bahay ay agad siyang napatakbo papasok sa loob at dumeretso sa may lababo. Napaduwal siya ng paulit-ulit at nanghihina ang kaniyang katawan.
Binuksan niya sandali ang refrigerator at uminom ng tubig. Napabuga na lamang siya ng malalim na
