Kasalukuyang nasa hospital sina Bea, Lorna, Manang Sora at si Stephen na nanginginig ang mga kamay habang nakaupo sa waiting area.
"Stephen, ano ba talaga ang nangyari?" nag-aalalang tanong ng dalaga sa kaniya habang nakaupo ito sa kaniyang tabi at kanina pa pinagmamasdan ang balisang-balisa nitong mukha.
"Hindi ko siya pinatay.. hindi ko siya pinatay." Mahina at paulit-ulit niyang sinabi. Sandali naman silang nilapitan ni Manang Sora at hinawakan niya ang dalawang kamay nito.
"Makinig ka iho, wala kang kasalanan sa nangyari. Aksidente lang ang lahat." Ani ng matanda sa kaniya habang ito'y nakatitig lamang kay Manang Sora.
"Pero, nakita niyo naman-" natigilan na lang siya sa pagsasalita nang yakapin siya ni Manang Sora at marahang hinahaplos ang kaniyang likuran. Napahagulgol naman sa
