NAPASERYOSO si Martin nang si Mover na ang nagdala ng bola. Si Baron nga ay pumunta sa kanyang harapan at sinabing siya raw ang magbabantay, kaso, pinigilan niya ito.
“Hayaan mong ako ang tumapat sa kanya... Kung hindi ko kayanin.”
“Ikaw na ang bahala!” sambit ni Martin at nilampasan niya si Baron at hinarap ang pagdating ng pinakamagaling na player ng Calapan.
Ang crowd ay umingay nang malakas at ang suporta kay Mover ay mas lalong kinalampag ang buong venue na halos ikarindi ng mga taga-Canubing.
Ang bola ay seryosong pinagmasdan ni Martin. Inihanda niya ang kanyang sarili dahil makikitang mas matangkad nang kaunti sa kanya ang kaharap niya. Si Mover ay bahagyang umatras at bumigla ng takbo patungo sa kaliwa ni Suarez.
“Ang bilis!” bulalas ni Martin na napagalaw nang
