NAPANGITI si Mover nang makita ang agresibong pagpuntos ni Karlo Ibañez sa una nilang dalawang possessions. Hindi niya iniisip kung bakit hindi pinalaro ng coach ng Panthers si Mendez, pero kung wala ito sa loob... Mahihirapan ang kalaban nila na maging maayos ang paglalaro nila. Sa mga naunang game na napanood niya sa mga ito, palaging si Mendez ang bumubuhay sa loob ng court. Ito ang playmaker, at ito rin ang nagmamando ng bola. Si Suarez ay nasa position ni Ricky, pero alam niyang mas sanay ito sa laro sa shooting guard position.
“Hindi kaya palpak ang experiment mong iyan Kap Torres?” sambit na lang ni Mover sa sarili habang pinapanood ang Panthers sa pagbaba nila sa kanilang side.
Samantala, isa namang malakas na bulyaw kina Baron at Martin ang ginawa ni Kap dahil sa ginawa ng
