Tumango ako sa kanya at tinignan muli si Achilles na nasa harap ko. Pagkatapos naming magkasundo an maglalaban kami ay dumiretso na kami rito sa arena na ipinasara para lang sa laban namin.
Ang tahimik at malawak na espasyo ay mamayang magiging lugar kung saan ko makakalabang muli si Achilles. Tinitigan ko siya at para bang bumalik ang alaala ko noong una ko siyang nakita.
"Sino ka?" ani ng nasa harap ko. Isang matipuno at matikas na lalaki ang nakaharang sa daan ko ngayon. Imbis na sagutin siya ay nilinga ko ang pinanggalingan, takot na nahabol na ako ng mga lalaki.
"P-Padaan lang," mahinang baling ko sa lalaki sa harap ko. Kumunot ang noo nito at bahagyang nanliit ang mata habang tinitignan ako. Sinuyod niya ng tingin ang buong katawan ko. Sinundan ko ang tinitignan niya.
Ang paa
