“gkasuspinde ngunit hindi ko yata kayang tiisin ang pagbubunganga ni kuya sa mangyayari. Para siyang si mama kung makasigaw.
Nilibot ko ang tingin ko sa paligid. Wala masyadong tao sa field ngayon maliban sa iilang trainee na tulad ko ay may pagkasuwail. Hindi naman sa pagmamayabang pero kilala ako bilang isa sa mga sanhi ng stress ng mga lecturers at instructors sa camp namin.
Makalipas ang tatlumpung minuto ng pagbilad sa araw, sa wakas ay naawa na rin si Balatbat. “Salamat ho, Kapitan Tore!” sigaw ng iba ngunit kahit ako ay naririnig ko ang pait sa mga pasasalamat na iyon.
Si Kapitan Tore, mas kilala bilang Balatbat sa aming mga parating napaparusahan, ay isa sa mga naunang instructors sa camp namin. Siya ang nagtuturo sa amin ng attitude na dapat naming taglayin bilang mga Hiraya. K
