Wedding Day
Hindi siya makapaniwala na nasa gitna siya ngayon ng simbahan at naglalakad palapit kay Enzo na nasa altar na. Lahat ng mga mata ay sa kanya nakatuon habang dahan-dahan siyang naglalakad suot ang napakagandang wedding gown na napili niya. Off shoulder ang suot niya na may mahabang veil, kaya nakaalalay sa kanya ang bridesmaid niyang si Lyca. Si Lyca ang kinuha niyang maging bridesmaid, ito lang naman ang nag iisang kaibigan niya, at masasabing tunay na kaibigan.
Nakangiti siya habang naglalakad. Namataan niya agad si Lucky kasama ang mga magulang nito. Ngumiti siya sa mga ito, ganoon rin si Lucky sa kanya. Inimbitahan niya ang mga ito dahil matalik na magkaibigan ang Mommy niya at ang Mommy ni Lucky.
Nagkataon din na kakilala ng Mommy ni Lucky ang Papa ni Enzo. At mukhang to
