VIA’s POV
Nakatulog ako. Mukhang matagal ang tulog ko dahil parang pababa na ang araw.
“Kumatok kaya si Kadax? Baka sa himbing ko, hindi ako nagising,” kausap ko ang sarili ko.
Napabalikwas ako nang bangon. Halatang na-miss ko ang kama ko, kaya napasarap ang tulog ko.
“Ano na kaya ang nangyari sa usapan ni Kadax at Lolo?” mahilig akong magsalita kapag mag-isa ako. Nagtungo muna ako sa bathroom at ginawa ko ang dapat. Naghilamos na rin ako at nagmumog.
Napahawak ako sa aking mga labi. Wala naman laway ang mga labi namin kanina. Dry kiss lang naman ang nangyari. Balewala iyon at parte iyon ng aming palabas ni Kadax.
“Nasaan na kaya siya?” pinupunasan ko na ang mukha ko ng towel. Si Kadax pa rin ang naiisip ko.
Lumabas na ako ng aking kwarto. Napakatahimik ng aming kabahayan. Mas o
