Naging mailap paningin at alerto ang pakiramdam ni Ataska sa paligid. Sa tuwing gagalaw ang mga dahon na tinatamaan ng tubig ulan ay agad na nasusundan ng kaniyang mga mata. Pilit inaaninag kung saan nanggagaling ang mga kaluskos. Sa lakas kasi ng ulan hindi niya marinig kung saan ba iyon manggagaling.
Paano kung may masasamang loob pa lang nagkukuta dito sa isla? O di kaya'y mabangis na hayop? Kahit siguro mamatay siya sa kakasigaw walang makakarinig sa kaniya.
Nanginginig ang kamay na dinampot ni Ataska ang nakita niyang maliit na sanga ng puno. As if may magagawa 'yon.
Ngunit mabuti nang kahit paano ay may gawin siya para maipagtanggol ang sarili. Her life is worth fighting for marami pa siyang pangarap sa buhay! Ang magkatapos ng pag-aaral, yumaman at magkaroon ng sariling pamilya!
