HALOS paliparin ni Nicholo ang kotse niya pagkatapos makausap si Attorney Dylan Torres at makuha mula rito ang ilang impormasyon patungkol sa barilang kinasangkutan ng dati niyang nobya na si Katarine, ang legal guardian ng bata na nakatakda niyang bantayan. Pagkatapos niyang magpakilala sa abogado na siya ang magiging close in security na itinalaga ni Sgt. Major Lopez para sa kliyente nito ay ibinigay ng lalaki sa kaniya ang address ng hotel na kasalukuyang tinutuluyan nina Katarine kung saan naroon din ang abogado sa kasalukuyan.
“Stealth!” bati ng nasa kabilang linya nang sagutin niya ang cellphone niya. Agad niyang nakilala ang may-ari ng boses na nasa kabilang linya.
“Brains!” sagot niya, referring to the nickname of Tony Aragon, his good friend back at the academy na ngayon ay isa
