HERMOINE
Hindi naman semana santa ngayon pero pakiramdam ko, ang init sa tensiyong namumuo sa pagitan ng aking mga kaibigan.
Si Arcilla na kanina pa tinutusok-tusok ang lamang biko sa kanyang plato at buhaghag na ito, si Jayrom na hindi ko alam kong biko na ang kinakain o tinidor dahil kanina pa nakasalampak sa kanyang bunganga ang tinidor at si Joy na hindi ginagalaw o tiningnan man lang ang biko sa kanyang plato.
Ano ang problema ng mga ito?
"Uhmm..." Mula sa tatlo ay nailapat ko ang mga mata sa katabi ko na si Marietta na halos ay 'di na makatingin sa aking harapan. Sina Janine at Janice naman ay tahimik lang na nagmamasid sa kanila.
"Marietta, nagpa-brace ka yata ng ngipin sa baba? Rich kid na, ah!" biro ni Janice para mawala ang tensiyon sa pagitan ng apat. Pakiramdam ko kasi
