Halos alas diyes na ng gabi nang makalabas siya sa may kwarto ni Chloe dahil ayaw siya nitong paalisin. Nakaalis lamang siya nang makatulog ito.
Nasa may tapat na siya ng kwarto ni Dok Yago at papunta na sa kwarto niya nang bigla siyang madulas at malakas na bumagsak.
Mabilis naman siyang nakarinig ng hagikgik pero nang lumingon siya ay tanging pagsara ng pintuan lamang ang narinig niya.
"Aray ko po!" At pilit na tumayo pero muli siyang napaupo, mukhang napuruhan ata ang magandang balakang niya.
Ilang sandali siyang tumigil at sinubukan ulit na tumayo pero hindi talaga niya kaya, kaya dahan-dahan siyang gumapang. Halos pagpawisan nga siya dahil hirap na hirap siya.
Pero bigla siyang napatigil nang makita ang mga paang nakatayo sa may harapan niya kaya dahan-dahan siyang tumingala at
