CHARISE MARIE
Kakarating lang namin sa bahay matapos na makipagbuno sa trapik. Halos inabot kami ng isa't kalahating oras mula ospital hanggang dito sa amin na kung tutuusin ay wala pa dapat isang oras iyon. Ganun katindi ang trapik kahit wala pang rush hour. Mas lalo ngayong mag-a-alas singko na ng hapon.
Pumasok na sina Mama at Charles sa loob para makapagpahinga na ito. Naiwan kaming dalawa ni Evan sa labas. Nakasandal si Evan sa sasakyan nito samantalang ako ay nakatayo sa harap nito.
"Pasok ka muna," alok ko kay Evan.
"Wag na para makapagpahinga si Tita. Dito na lang tayo," tanggi nito.
Hindi ko na siya pinilit pa. May punto naman ito. Sigurado akong napagod si Mama sa biyahe kaya kailangan na nitong magpahinga.
"Ay, oo nga pala!" sabi ko at may kinuha ako sa bulsa ko. Saka sab
