CHAPTER 59
"P'wede ba akong maki -share ng table?" tanong ko sa mga taong kaharap ko at binigyan sila ng matatamis na ngiti.
Hawak -hawak ko ang isang trey na binili kong pagkain habang pinagmamasdan sila isa't isa. Wala kahit na isa sa kanila ang sumagot at bakas din sa kanilang mga mukha ang pagdadalawang isip kung magsasalita ba o hindi.
Lahat ng istudyante na makikita ko sa ilang mesa na hindi kalayuan sa amin ay nakatuun ang buong atensyon sa lugar kung saan ako nakatayo at nag-uumpisa kaming pagbulungan. Iyong ibang mga babae pa nga ay parang gusto na akong isuka dahil sa ginagawa kong paghahabol kay Harvey.
Ilang araw ko na ba itong ginagawa at ilang araw ko na rin ba iyon paulit -ulit na naririnig sa kanilang mga bibig. Para na rin siguro akong isang bato. Walang nakikita, wala
