SOFI:
LIHIM akong napangiti na magkayakap kami ni Haden na lumabas ng hospital at umuwi ng unit. Hindi yata ako makakapayag na may ibang babaeng aalagaan ang asawa ko. Lalo na't alam ko namang ginagamit lang ng Lalyn na 'yon ang anak nila ni Haden para makalapit sa asawa ko.
Pagdating namin ng parking lot ay inalalayan pa ako nitong makaupo ng kotse. Kaagad namang umikot sa driver side ang driver namin. Maging ang mga bodyguard naming nakabantay ng seguridad namin ni Haden ay kaagad napasakay ng kani-kanilang kotse para masundan kami.
Pagkaupo nito sa tabi ko ay napasandal kaagad ako sa balikat nito. Pinag-intertwined naman nito ang mga daliri namin na panay ang halik sa ulo ko. Nangingiti akong napapikit na nanatiling nakasandal sa balikat ng asawa ko. Kahit paano ay naibsan ang kaba a
