ORLA
I’m guilty. I can’t deny that I am!
Pagkatapos akong turuan ni Kross ng ilang oras kung paanong gumawa ng cash flow ay nalaman niya na ako ang sumira sa bike niya. Hindi tuloy ako mapakali kaya kahit na gabing-gabi na ay lumabas pa ako para lang pumunta sa maid’s quarter at magtanong kay Marlyn kung saan pwedeng ipagawa ang bike ni Kross.
“Diyos ko, Orla! Anong ginawa mo? Sinira mo itong bike ni Kross?!”
Napangiwi ako matapos marinig ang malakas na boses ni Marlyn nang ipakita ko sa kanya ang bike ni Kross na sinira ko.
“‘Wag kang maingay, Marlyn! Baka marinig tayo ni Daddy!” Mariing saway ko sa kanya. Tumahimik naman siya pero kitang-kita ko sa mukha niya na hindi niya nagustuhan ang ginawa ko.
“Ano bang ginawa ni Kross sayo para magalit ka sa kanya ng ganito, Orla? Sobrang bai
