CHAPTER 25
“Hindi ko nga memorize 'yong number ko, number mo pa kaya.” nakatanggap ako ng pitik sa aking noo nang sabihin ko 'yon.
“You really have many reasons, Cecilia.” umiiling na sabi nito. Binuksan niya ang laman ng paper bag at kinuha ang laman nun.
“Who cooked this?” binuksan niya ang Tupperware at inamoy ang laman.
“Si Manang Felmay ang nagluto niyan, wala ka namang sinabi kung anong gusto mo kaya menudo ang niluto niya. May nilagang baboy din d'yan. Kainin mo agad mainit pa 'yon.”
May kasamang pinggan, kutsara, at tinidor ang dinala ko. Kinuha ko ang mga 'yon at nilagyan ko ng kanin ang pinggan niya. 'Yong sapat lang na mauubos niya.
Hinahanda ko pa lang ang pagkain niya ay biglang bumukas ang pintuan ng office nito. Magkasabay kaming napalingon, bumungad ang mukha ng dal
