ISANG malapad na ngiti ang binungad ni Laya sa nobyo nang pumasok ito sa opisina niya. Eksaktong nagliligpit na lang siya ng mesa at naghahanda pauwi.
“How’s work today?” tanong ni Chad.
Lumapit ito sa mesa niya ay naupo sa ibabaw niyon sa bandang gilid.
“Nakakapagod, I had three long meetings the whole day.”
Hinawakan siya nito sa kamay at hinila palapit saka mariin siyang hinalikan sa labi pagkatapos ay niyakap siya nito. Napapikit siya habang nakangiti, pakiramdam ni Laya ay pinawi ng yakap nito ang pagod. Hindi siya sigurado kanina kung dahil nga sa dami ng trabaho o gutom na siya, pero nakaramdam siya ng pagkahilo kaninang tanghali. Kinailangan niya tuloy magpaalam sandali sa Kuya Himig niya at nagpahinga siya ng thirty minutes. At hindi iyon ang unang beses na nangya
