Donna's Pov:
Nakita ko pa nang subukang abutin ni Dice ang kamay ko. Pumulupot ang tela n'ya sa katawan at sinubukang abutin ako pero agad na nagsara ang lupa. Alingawngaw ng boses ko lang ang narinig ko nang mag dire-diretso sa pagbulusok ang katawan ko.
Napaingit pa ako nang tumama ang likuran ko sa matigas na lupa. Sinubukan kong tumayo pero agad akong napabagsak dahil sa panginginig ng lupang tinutuntungan ko.
Hindi pa ako nakakabawi sa pagbagsak nang gumalaw na naman ang kinabagsakan ko at tila hinila iyon kasama ako ng kung anong kapangyarihan. Mabilis ang paghila niyon sa akin hanggang sa iangat ulit ako ng tanging tipak ng lupang kinalalagyan ko.
Malakas ang pwersang mayroon ang lupa kaya agad na kumalat ang alikabok sa paligid.
Pinakiramdaman ko muna ang tipak ng lupang kina
