CHARLES POV
Katulad nang napag-usapan naming magkakaibigan. Nilagyan namin ng CCTV camera ang buong mansyon nina Lorraine. Kagaya nang plano namin, palitan kaming magkakaibigan na magbabantay sa labas ng bahay. Maliban kay Macky na malayang nakakalabas-pasok sa mansyon, dahil isa siya sa pinagkakatiwalaan ni Francis.
Ngayon naman ay kasalukuyan kaming nandito sa simbahan upang mag-practice ng kasal namin ni Abby.
"P're, ang ganda ng ngiti mo, ah," puna sa akin ni Alex habang tinitigan ko si Abby na mabagal na naglalakad.
Tumango ako at tumingin kay Alex. "P're, masaya lang ako. Kasi sa wakas, maiiharap ko na sa dambana si Abby." Muling tingin ko kay Abby na ngayon ay masayang nakatingin sa akin.
Tinapik ni Alex ang balikat ko at muling nagsalita. "Masaya ako para sa 'yo. Dahil sa waka
