ABBY'S POV
Hindi nagtagal ay dumating na ang mga nurse at doctor. Mabilis nilang nilapitan ang aking ama na nag-aagaw buhay na ngayon.
Lumapit sa amin ang isang nurse. "Ma'am, sa labas na po muna kayo. Huwag po kayong mag-alala. Gagawin po namin ang lahat, mailigtas lamang ang inyong asawa," utos niya sa aking ina.
Tumango si mommy. "Gawin n'yo po ang lahat." Pagkatapos ay lumabas na ang aking ina.
Sumunod kaming dalawa ni Charles. Halos maawa ako sa aking ina, nang nakatingin siya sa taas at tila kinakausap ang sarili.
"Mommy, magpakatatag ka po. Alam ko, lalaban si Daddy para sa atin," pilit kong sabi.
Ayaw kong magpakita sa aking ina nang kahinaan ko ngayon. Dahil kailangan kong magpakatatag para sa kaniya. Nagdesisyon akong lapitan ang aking ina. Ngunit tumakbo na siya palayo s
