ABBY'S POV
Nakarating agad kami ng hospital at dinala agad sa operating room si Charles. Si Rigor naman ay nasa emergency room at inaasikaso ng doctor.
"Miss Castillo, kailangan po namin ang salaysay mo sa mga nangyari," sabi nang pulis na lumapit sa akin.
Sasama na sana ako sa mga pulis nang biglang dumating ang ina ni Charles at pinagsasampal ako.
"Salot ka talagang babae ka! Kapag may nangyaring hindi maganda sa anak ko! Magsisisi ka!" galit na sigaw ng nanay ni Charles.
"Mrs. Hamilton, kumalma po kayo, iniligtas lamang po ng anak n'yo si Miss Castillo," pag-awat ng pulis sa ina ni Charles.
"Tara na po sa presinto," pag-aya sa akin ng isa pang pulis.
Tumango na lamang ako at tahimik na sumunod sa mga pulis.
Habang naglalakad kami sa hallway ng hospital ay naglalakbay ang diwa ko
