Tinanggap ni Carmela ang brown envelope mula sa kanilang abugado matapos nitong magpaalam at umalis. Kapwa silang tahimik ni Jiro habang hinahatid ito nang tanaw.
Bumaba ang kanyang mga mata sa envelope bago sila parehas na walang imik na pumasok sa loob ng kanyang bahay.
Matapos ang mahaba nilang honeymoon ay nagpasya si Jiro na roon na muna sila manirahan sa kanyang bahay hangga’t hindi pa natatapos ang pinagagawa nito para sa kanilang magiging pamilya.
Ang kaalamang nagpapagawa ito ng bahay bago pa sila muling nagkita matapos ang sampung taon ay hindi lubos akalain ni Carmela. Wala siyang salitang mabigkas para kay Jiro dahil overwhelmed siya sa mga ikinikilos nito para sa kanya at sa pamilyang gusto nitong buuin sa piling niya—kaya ang nagawa na lang niya’y abutin ang labi nito at h
