Huwebes, animo ay wala sa kanyang sarili si Carmela habang naglalakad galing sa university gymnasium bandang alas onse ng umaga. Tulala lang siya habang nakakapit ang kanang kamay sa strap ng kanyang shoulder bag. Unti-unting nag-angat siya ng paningin at gayon na lang ang pagkabog ng kanyang puso na para bang ngayon na lang niya muling naramdamang pumintig iyon. Higit lalo noong mapag-sino ang lalaking kasalubong niya.
Nakayuko ang ulo nito na bahagyang nakatagilid. Inaayos nito ang animo'y nagulong buhok dahil sa ihip ng hangin. Akala mo naman ay talagang nagulo ang buhok nito dahil sa inasta.
Napatingin ito sa direksyon ng open field ng unibersidad. Nakita niya ang paggalaw ng adams apple nito buhat sa paglunok. Damang-dama niya ang mabilis na pagrigodon ng kanyang puso habang nananat
