Matapos ang kindatan namin ni Marcus ay muli kong sinulyapan iyong dalawa naming kasama.
Okupado nina Ornok at Mingming ang bawat isa dahil sila iyong nag-uusap kung matatawag ngang pag-uusap gayong nanggagalaiti sa galit si Ornok habang tatawa-tawa lang si Mingming.
Nakakatawa ring tingnan na sa laking tao ni Ornok ay halatang pikon na pikon ito kay Mingming na kompara rito ay parang bata lang tingnan.
Habang naroon kay Mingming ang buong atensiyon ni Ornok at naroon din kay Ornok ang atensiyon no'ng nauna ay nagpaubaya ako sa panghihila ni Marcus palayo sa dalawa, papasok sa silid namin.
Pagkapasok namin ay agad niya akong iginiya paupo sa kama.
"Sino iyon?" tanong niya na ang tinutukoy ay si Ornok.
"Siya si Ornok, nagsisilbi siya sa palasyo."
"Iyon lang?" Tumaas ang kil
