Kung meron man akong gustong paglingkuran sa mga Himadi ay iyon ang nag-iisa nilang prinsesa na kahit napakapasaway ay may mabuting kalooban.
Lingid sa kaalaman ng iba ay tumatakas si Hallejah sa palasyo ay para puntahan ang pinakadulong bahagi ng Diwali at ipamahagi ang enerhiyang taglay niya sa napabayaang bahaging iyon ng aming mundo.
Katulad ng mundo ng mga tao ay hindi perpekto ang Diwali, may lugar doon kung saan ay walang Diway na nangangalaga sa kalikasan kaya tuluyang napabayaan ng buong kaharian at buong akala ko noon ay walang nakakaalam na Himadi tungkol sa lugar na iyon.
Isa akong tagapangalaga ng lupa at malapit sa puso ko ang lugar na iyon sa kabila ng lupaing naroon na hindi angkop sa lahat ng uri ng mga halaman at puno.
Nagulat na lang ako at nang minsang naatasan amo
