AWTOMATIKONG napadiretso ng pagkakaupo si Hannah nang marinig ang baritono at seryosong boses ni Zack at lalo pa siyang napatda nang makitang nakatayo ito sa harap niya habang mataman siya tinititigan. “I-I was not sleeping,” defensive agad na sambit niya at pagtatama niya sa sinabi nito bago matalim itong tiningnan saka sinipat ang oras sa wristwatch niya. Laking gulat niya nang makita niyang pasado alas-diez na pala ng gabi! Tumikhim siya bago muling nagsalita. “Teka, bakit nandito ka pa?” nagtatakang baling niya rito. He just shrugged and kept staring at her. “Hindi mauubos ang trabaho. Halika na, I’m driving you home,” sa halip na sagutin siya ay pahayag ng binata. Sinimangutan niya ang binata saka ito inirapan at sumandal sa swivel chair niya bago niya pinagkrus ang dalawang braso sa
