“HE HAD a mild heart attack yesterday.” Ang sinabing iyon ni Alex ang paulit-ulit na naririnig ni Hannah habang nakaupo siya sa tatlong baitang na hagdan sa labas ng bahay na kinalakhan niya na nasa likod ng mansyon.
Kinumbinsi lang siya ni Alex at ng mag-asawang Manong Domingo at Manang Clareng na magpumilit sa ospital lalo at gabi na. Nakahinga lang siya nang maluwag nang makausap ang ama nang tawagan ni Alex ang nurse na nagbabantay rito. Maigi na lang at hindi mild lang ang atake nito at agad na naagapan.
“Are, Ineng. Uminom ka muna ng gatas ng kalabaw,” pukaw ni Maang Clareng sa pag-iisip niya saka iniabot sa kaniya ang bason a may lamang maligamgam na gatas.
Umupo ito sa tabi niya pagkakuha niya ng baso saka hinaplos ang likuran niya.
“Huwag kang masyadong mag-alala sa itay mo
