Dahan dahan ang pag-upo ni Lira sa tabi ni Crust upang hindi ito magising. Inilapag nya ang maliit na kaserola na may malamig na tubig at ice cubes sa center table. Wala syang makitang malit na planggana sa penthouse na iyon kaya't ito nalang ang naisipan nyang gamitin.
"Ano ba namang klase yan, ang yaman yaman walang planggana.", saad nya hindi alintana ang malakas na boses dahil alam nyang wala namang nakakarinig sa kanya. Ang kasama nya ay masarap na ang tulog. Nilublub nya ang hawak na towel sa malamig na tubig at piniga iyong mabuti. Marahan nya iyong pinunas sa pisngi ng binata. Ang kanang braso nito ay nakatakip sa mga mata nito, kaya marahan nya itong inalis upang mapunasan ang bandang noo at mata nito. Ngunit nang maibaba nya ang mga kamay nito ay bigla iyong nagkaroon ng sarilin
