LUMIPAS ang isang linggo at kaarawan ni Wendy. Nas sementeryo sila ni Uncle Sam. Pinili niyang makapiling ang ina sa kanyang kaarawan.
"Ma, sixteen na po ako. 'Wag na po kayong mag alala para sa akin. Mayroon na pong nag aalaga at nagmamahal dito sa akin. Hindi n'yo na po iisipin ang magiging kinabukasan ko. Dahil sa may magbibigay na po. May bago po pala akong Papa, si Uncle Sam po," usal na kwento ni Wendy sa puntod ng ina. Napabaling siya sa direksiyon ni Uncle Sam. Abala ito sa pag aayos ng kanilang pagsasaluhan na dalawa.
Nang mapatingin ito sa kanya ay napangiti ito at kinawayan siya. Gumanti siya ng kaaway saka muling itinuon ang mata sa puntod ng ina.
"Napakaresponsable po ni Uncle Sam. Iba ang pagkakakilala ko sa kanya noon. Sayang lang at binawi kaagad kayo, 'di sana'y naitulo
