NAGISING si Elli sa ilang tapik sa pisngi niya, marahan siyang dumilat at ang mukha ni Zayd ang bumungad sa kaniya.
“Nandito na tayo,” wika naman nito pagtapos ay pinatay na nito ang makina ng sasakyan at bumaba na rin ng sasakyan. “Bumaba ka na,” utos nito bago isara ang pinto ng sasakyan kaya wala naman siyang nagawa kundi ang alisin ang seatbelt saka bumaba na rin ng sasakyan.
“Malayo pa ba rito ‘yong site?” tanong niya dahil wala siyang nakikita sa paligid kundi puro mga puno at walang katapusang bundok.
“Medyo malayo pa, may mga daan naman dito na nagawa na sila kaso medyo may kalayuan talaga. Hindi na lang kasi kakayanin ng sasakyan ko ang dumeretso doon dahil baka mas ma-stuck tayo kung sasakay pa tayo ng kotse.” Pagtapos ay inalalayan siya nito sa isang matarik na daan para maka
