“AYAN na nga ba kasi ang sinasabi ko sa ‘yo, Ash,” paninisi pa sa kaniya ng pinsan niyang si Stef. “Kung una pa lang inamin mo na kay Elli ‘yong totoo mong nararamdaman, eh di wala ka sa ganiyang sitwasyon ngayon.”
Narito sila sa bar sa tapat ng condo niya. Nang malamang niyang boyfriend na ni Elli ang gágong ‘yon dito agad siya dumeretso at tinawagan ang pinsan para magpakalasing. Oo, hindi kasi talaga niya matanggap.
“Tama na ‘yan! Lasing ka na, eh!” awat na sa kaniya ng pinsan.
“Hindi, hayaan mo lang ako. Hindi pa ako lasing, alam ko pa ‘yong ginagawa ko at nararamdaman ko pa ‘yong sakit!” wika naman niya.
“Alam mo kung hindi ka titigil tatawagan ko na si Elli,” pananakot pa nito sa kaniya.
“Eh di tawagan mo para magkaalaman na kaming dalawa!”
“Seryoso ka ba? Tatawagan ko talaga s
