NAALIMPUNGATAN si Elli dahil sa sunud-sunod na pagtunog ng cellphone niya. At kahit hindi niya ‘yon pansinin ay walang tigil din naman ‘yon sa pagtunog kaya napilitan na rin siyang bumangon at sagutin.
“H-hello?” sagot niya sa tawag nang hindi pa rin dumidilat ang mata niya.
“Elli!” si Zayd na naman of course wala nga namang ibang taong tatawag sa kaniya ng gano’ng oras.
“Ano na naman bang problema natin, Zayden?” naiinisa nang tanong niya rito nang hindi pa rin dumidilat.
“Sabihan mo na parents mo na ngayong lunch time gustong pumunta ng erpat ko riyan sa inyo,” wika naman nito na nakapagpadilat sa kaniya.
“ANO?” Gulat na gulat na tanong niya. “Bakit ang aga naman yata? Akala ko naman mga ilang araw pa ‘yan, Zayd!” Tuluyang siyang tinakasan ng antok niya dahil sa sinabi nito.
“Hindi
