"MOMMY, ang sarap po nitong cookies n'yo." Sabi ni Kerra bago kumagat muli ng cookies na bi-nake niya. Pagkarating ni Kerkie ay sabay na pumanik ang dalawa para mag-usap sa silid na opisina ni Kerkie sa bahay na iyon. Hindi maipinta ang mukha ni Kerkie nang tumingin sa kanya siguro dahil malapit si Daniel sa kanya. Kung hindi nga lang niya narinig ang mga sinabi nito ay aakalain niyang nagseselos ito. Pero imposible iyon. Nagbago lang ang itsura nito nang tawagin ng mga bata. Wala naman siyang pakialam kung ano ang isipin nito. Bahala ito sa buhay nito.
Nalena's giggled. "Mas masarap 'yong cupcake ni mommy na gawa sa avocado at kalabasa. Peyborit ko 'yon Ate Kerra."
Nagningning ang mga mata ni Kerra. "Talaga?" Tumingin ito sa kanya. "Gusto ko din po no'n kapag nag-bake kayo. Magbabaon ak
