HINDI mapanatag ang loob ni Josephine kahit mahimbing nang natutulog ang anak niyang si Sabrina. Hindi ito tumitigil sa pag-iyak at nasasaktan siya para dito. Nag-aalala siyang nakausap nito si Katherine at may nasabi na kinasakit ng loob nito. Nabigla ito nang makita si Sabrina, pati rin sila dahil ang alam nila ay sa isang linggo pa ang balik nito mula sa business trip.
Patuloy niyang hinahaplos ang buhok ng anak. Ito ang mga hindi niya nagawa sa paglaki nito kaya ngayon ay sinusubukan niyang bumawi. Hindi biro ang mga taong nawala sa kanila.May kasalanan din naman siya dahil iniwan niya ang mga anak sa dating asawa. Hinayaan niya ang mga itong lumaki na wala siya at pinili niya ang lumayo at huwag na bumalik. Pero masisisi ba siya kung hindi na niya kaya. Masyado ng malalim ang sugat n
