NAUNANG natapos kumain si Joel kahit mas marami pa itong kinain kaysa kay Leamor.
“Tapusin mo na iyang kinakain mo. Magto-toothbrush lang muna ako,” wika niya bago siya tumayo mula sa kanyang upuan.
“Isasabay mo ba ako sa pagpasok sa opisina?” tanong ni Leamor nang makalagpas siya sa tabi nito.
“Oo naman. Bakit ayaw mo ba akong kasabay?”
Napangiwi si Leamor. “Hindi naman sa ayaw ko. Kaya lang baka makita nila tayo sa office na magkasama at sabay na darating. Pag-iisipan nila tayo nang masama.”
Napabuga ng hangin si Joel. May katuwiran si Leamor. Nakalimutan na naman niya iyong number rule sa opisina. Bawal ang magkarelasyon sa opisina nila.
“So, what do you suggest then?”
“Mauna ka nang pumasok. Magpapahatid na lang ako kay Mang Tinyo mamaya. Ang dami mo kasing inilagay na pagkain
