“ANONG pinaplano mo ngayon? Ano ang balak mong gawin?” nalilitong tanong ni Rosaline.
“Ihahatid kita pauwi sa inyo mamaya. Gusto kong makausap ang mga magulang mo. Kung papayag sila, ihahanapan kita ng matitirhan mo. I’ll provide everything you need.”
Tumaas ang kilay ni Rosaline sa sinabi ni Kentt. Gagawin pa yata siyang mistress ng lalaking ito, ah!
“Hey! Hindi ko kailangan ng bagong tirahan. May condominium unit na ako. Saka may sariling bahay din ang mommy ko. Hindi mo ako kailangang bigyan pa ng bahay. Besides, hindi ka ba nag-aalala na mag-aaway kayo ng asawa mo kapag nalaman niya ang tungkol sa akin?”
Napailing si Kentt. “Candy will never know about us. I’ll make sure of that. Since you are carrying my child, I want to take care of you. Hindi ko magagawa iyon kung nakatira ka s
