"Oh— ano'ng nangyari sa 'yo? Bakit parang wala ka na naman sa sarili mo?" tanong ni Aljune nang tuluyan na akong nakalapit dito.
Nakatayo ito habang nakasandal sa gilid nang kotse. At sa mga oras na ito ay tila naguguluhan na naman ito sa reaksyon o kilos na nakikita mula sa akin.
"Kanina ka pa? Sorry, medyo natagalan akong lumabas, eh." Sa halip ay turan ko, saka ko hinawakan ang pinto ng kotse. Ngunit agad rin akong natigilan nang pinigilan ni Aljune ang tangka kong pagpasok sa loob.
"Teka, ano na namang nangyayari sa 'yo? May nangyari ba sa trabaho mo?" naguguluhan nitong tanong.
Bumuntong hininga ako, saka ako tumingin dito. "Mawawalan na yata ako ng trabaho, Aljune."
"Ha? Bakit? Ano bang nangyari? May nangyari ba?" sunod-sunod na tanong ang umalpas sa bibig nito.
"Sa biyahe na l
