[ANASTASIA DIMAKATARUNGAN]
Anong gagawin ko kay Caleb? Ano na ang gagawin ko sa kaniya?! Nababaliw na ako! Kanina ko pa nga sinasapok ang sarili ko para lang bumalik ako sa reyalidad... pero totoo ito... totoong-totoo!
Naging. ipis. ulit. si. Caleb!
Matapos kong malaman na naaalala niya ako at nagkukunwari lang siyang hindi niya ako kilala, bigla namang magkakaganito? Iiwan niya ako sa ere?!
"Ana-pot, tuluyan ka na bang nasiraan ng ulo?" ngiwing tanong ni kuya habang nakatingin sa ipis na nasa loob ng garapon. Ang garapon ay may butas-butas para makahinga si Caleb kung sakali.
"Tingin mo sa 'kin, nagmana sa 'yo?" busangot na tanong ko. Napakamot si kuya sa ulo niya bago niya kinuha sa akin ang garapon.
Tinitigan niya ito ng mariin, "Ako si Judiel-pogi. Kilala mo ba ako, boy ipis? Ako
