Nanlaki ang mga mata niya dahil hindi niya akalaing malakas niyang nasabi ang mga salitang iyon. Umiwas siya ng tingin at tumikhim ng makabawi.
"'Yong halik, mesherep," tumaas ang kilay nito at sumilay ang pilyong ngiti. "Este bakit ka nga kasi nagtagal sa ilalim ng tubig kanina kaya akala ko nalunod ka na." Pag-iiba niya sa usapan upang pagtakpan ang pagkapahiya sa sarili.
Totoo naman kasing masarap, umungol pa nga ako e.
"Hindi ako malulunod kasi marunong akong lumangoy." Isinuot nito ang plain white shirt na nahanap, gusto niya sanang tumutol na takpan ang magaganda nitong tattoo ngunit ayaw niyang magtaka ito at mabuko ang lihim niyang pagnanasa dito.
Oo na, mesherep siya at nagnanasa ako sa kanya. Mahirap naman kasing hindi siya pagnasaan.
"Pero bakit ang tagal mong umahon?"
N
