*CHAPTER 40*
Pagdating namin sa bahay, masaya kaming sinalubong nina mommy. Umarte pa rin ako na walang nakikita, sasabihin ko na lang sa kanila pag-alis ni Cedrick. Niyaya nila si Cedrick na sa bahay na maghapunan pero tumanggi si Cedrick dahil may tugtog pala sila sa isang bar ngayong gabi. Hinatid na ako ni Mommy sa kwarto ko, habang si Daddy naman hinatid si Cedrick palabas ng bahay.
"Mommy I need to tell you something," sabi ko kay Mommy pagpasok namin sa kwarto ko. Inalalayan pa ‘ko ni Mommy umupo sa kama at tumabi siya sa ‘kin.
"Yes, ano ‘yon baby?" tanong ni mommy sa ‘kin. Kinuha ko naman ‘yung salamin ko na nakatago sa drawer. Isinuot ko ‘yon at kita ko sa mukha ni Mommy ang pagkabigla. "Nakakakita ka na Allison?" tanong ni Mommy at kita ko sa mata niya ‘yung saya nang tumango
