MEDYO may tama ng alak na tumayo si Magus mula sa pagkakasalampak sa mahabang upuan sa den na kinaroroonan niya. Alam niyang tulog na ang mga tao sa buong villa dahil pasado alas diyes na. Hindi niya namalayan na nakaidlip na siya roon. Nainitan siya pagkagising niya kaya naisipan niyang maligo muna sa pool para mapreskuhan. Magbabad lang sandali siya roon pagkatapos ay aakyat na rin.
Bahagya pa siyang pasuray-suray na siyang naglakad patungo sa pool area. Malapit na siya sa pool ng may maaninag siyang bulto na naglalakad palapit doon. Pinasingkit niya ang mga mata upang mabistahang mabuti ang nakikita. Nagtaka pa siya kung sino iyon hanggang sa mamukhaan niya si Juliet. Mas lalo siyang nagtaka kung ano ang ginagawa ng babae roon. Nakasuot ito ng roba at may tuwalya sa balikat. Nahinuha k
