Nakakahiya mang isipin, pero si Lola Remejos ang nag-alaga sa akin magdamag. Sa totoo lang ay pinigilan ko na siya, para naman hindi na rin siya mahirapan pa. Kaya ko naman na kahit na paano ang sarili ko. Matanda na rin siya at alam kong mahina na ang kaniyang katawa.
“Umuwi na lang po muna kayo lola, hindi niyo naman po 'to kailangan na gawin. Kaya ko naman po ang sarili ko.” Ilang beses ko na ba itong sinabi sa kaniya? At ilang beses ko na rin bang narinig mula sa kaniya na hindi niya gusto iwan ako.
Maaga pa lang kanina, andito na isya sa bahay. Mukhang si Orwa na rin ang humingi ng pakisuyo sa kaniya. Sa totoo lang ay ayaw ring pumasok ni Orwa kanina, napilit ko lang talaga siya na pumasok.
Paano ba naman, kung hindi siya papasok sa trabaho, anong mangyayari sa aming dalawa?
